Текст песни Reginella (Domenico Balzani) с переводом

Te sì fatta 'na vesta scullata

'Nu cappiello cu 'e nastre e cu 'e rrose

Stive 'mmiez'a tre o quatto sciantose

E parlave francese. È accussì?

Fuje ll’autriere ca t’aggio 'ncuntrata

Fuje ll’autriere a Tuleto, 'gnorsì

T’aggio vuluto bbene a tte!

Tu m’hê vuluto bbene a mme!

Mò nun ce amammo cchiù

Ma ê vvote tu

Distrattamente, pienze a me

Reginè, quanno stive cu mmico

Nun magnave ca pane e ccerase

Nuje campavamo 'e vase, e che vase!

Tu cantave e chiagnive pe' mme

E 'o cardillo cantava cu ttico:

«Reginella 'o vò bbene a 'stu rre!»

T’aggio vuluto bbene a tte!

Tu m’hê vuluto bbene a mme!

Mò nun ce amammo cchiù

Ma ê vvote tu

Distrattamente, parle 'e me

Oje cardillo, a chi aspiette stasera?

Nun 'o vvide? Aggio aperta 'a cajola

Reginella è vulata, e tu, vola!

Vola e canta, nun chiagnere ccà!

T’hê 'a truvà 'na padrona sincera

Ca è cchiù degna 'e sentirte 'e cantà

T’aggio vuluto bbene a tte!

Tu m’hê vuluto bbene a mme!

Mò nun ce amammo cchiù

Ma ê vvote tu

Distrattamente, chiamme a me

Перевод песни Reginella