Текст песни Lonely People (Lo & Leduc) с переводом

I gloube nid ad Bibu

Aber i glouben a ne Himu

U är hanget vouer Biuder

U är hanget vouer Gyyge

Und uf de Wouche sitze Jackson, Bob u Pac ud Beatles

Si singen au di Lieder

Für all di lonely people

Lug eigentlech weisch, du hesch ja aus

U du di glych fragsch «Isch das aus?»

Dini Sunnebrüuen isch farbig aber di Wäut isch immer no grau

Aus isch läär, wi d Fläsche näb der

Di Chopf isch glych ni vou

Du suufsch, fluechsch, luegsch, seisch «Wed Gott gsehsch, de seisch ihm e

Gruess» Säli!

Und du fingsch ne nid i de Biuder, nid i de Chiuche mit farbige Fänschter

Mit dene Heilige wo der wei zeige wi guet aus sig wo si dörfe stärbe

Aber du chasch nümme Bätte, egau was wosch, egau was fragsch

S’git ke Antworte, es git nur Oblate

U di schmöcke trochen u fad

Mir spüele se mit Wyy abe, wi aube zum Autag vergässe

Im Wohnzimmer steit ä Chischte, mit grossem farbigem Fänschter *click*

Und Frage sy wäg u du geisch zapp zapp dür d Sänder

U dusse schynt zwar d Sunne doch i dir inne ischs immer nur dämmrig

Nid «wär bi i», nur Wärbig

Keni Wärte ussert der Währig

Und di Chopf isch so wi mis Konto, wüu beidi immer nur läär sy

Und du wartisch scho abem Mäntig nur ufe Fritig

U abem Septämber nume das März wird

Aber bevors di dräijt lueg nomau gäg ufen u säg dir

I gloube nid ad Bibu

Aber i glouben a ne Himu

U är hanget vouer Biuder

U är hanget vouer Gyyge

Und uf de Wouche sitze Jackson, Bob u Pac ud Beatles

Si singen au di Lieder

Für all di lonely people

Für di

We du nümm weisch u we du nümm mahsch

Wenn Farben erbleichen u si di frage «Wärum treisch du immer nur schwarz?»

U si sy immer so nätt

I dir innen isches läär

Mir si vilech viu doch glych elei i dene Städt

U es geit wyter wyter wyter, wüu das System isch ä Techu

Jede Tag nöi u jede het Tröim, am sibni ghörsch der Wecker

Am achti ghörsch am Chef, am Aabe lisisch im Tram di Bletter

S’geit der aus am Arsch verby, du fahrsch bi dir o fasch verby

U du bisch müed nach somene Tag obwou du fasch nüt hesch gmacht

Loufsch mit Hunger dür das Migros und es macht di nüt aa

Und du fragsch di für was, und du fragsch di was bringts

Chumm renn zur Chile, renn zu Droge, Antworte chöme no Ching

U speter schäme si sich

Vorstellige näme si dir

Nenns nid realistisch, nenne das

Wüu si säuber ke Antworte hei

Und i ha der se oh nid

I weiss nume dass du für mi gross bisch

Drum gang chly use, lueg zu dir und mängisch ufe, wüu

I gloube nid ad Bibu

Aber i glouben a ne Himu

U är hanget vouer Biuder

U är hanget vouer Gyyge

Und uf de Wouche sitze Jackson, Bob u Pac ud Beatles

Si singen au di Lieder

Für all di lonely people

I gloube nid ad Bibu

Aber i glouben a ne Himu

U är hanget vouer Biuder

U är hanget vouer Gyyge

Und uf de Wouche sitze Jackson, Bob u Pac ud Beatles

Si singen au di Lieder

Für all di lonely people

Перевод песни Lonely People