Текст песни Blow Northerne Wynd (John Fleagle) с переводом

Blow, northerne wynd

Send thou me my suetyng!

Blow, northerne wynd

Blou, blou, blou!

Ichot a burde in bour bryht

That fully semly is on syht

Menskful maiden of myht

Feir ant fre to fond;

In al this wurhlich won

A burde of blod and of bon

Never yete y nust non

Lussomore in lond

Heo is derworthe in day

Gracious, stout, and gay

Gentil, jolyf so the jay

Worhlich when heo waketh

Maiden murgest of mouth;

Bi est, bi west, by north and south

Thér nis fithel ne crouth

That such murths maketh

To Love, that leflich is in londe

I tolde him, as ich understonde

How this hende hath hent in honde

On herte that min wes

And hire knightes me han so soght

Siking, Sorewing, and Thought

Tho three me han in bale brought

Ageyn the power of Pees

For hir love y carke ant car

For hir love y droupne ant dar

For hir love my blisse is bar

Ant al ich wax won;

For hir love in slep y slak

For hir love al nyht ich wak

For hir love mournynge y mak

Mor then eny mon

Перевод песни Blow Northerne Wynd